فائیو سٹارہوٹل کاملبہ گرنے سےلینڈسلائیڈنگ ،بکوٹ نتھیاگلی روڈبند

تفصیلات کے مطابق رات کو ہونے والی بارش سے بکوٹ نتھیا گلی روڈ پر نالہ گڑنگ میں  فائیواسٹار کا ملبہ جمع ہو سرکل بکوٹ کے ہزاروں مسافر گاڑیوں کاراستہ بند کر دیتا ہے،اور ہفتے کی شب بھی ایسا ہی ہوا،واضح رہے کہ یہ وہی مقام ہے جہاں سے گلیات ڈویلپمنٹ اتھارٹی بکوٹ کا پانی ٹینکوں میں جمع کرکے بھاری موٹروں کے ذریعے پمپ کرکے گلیات بھر میں فروخت کرتی ہے ۔
رمضان المبارک میں پیدا ہونے والی ہنگامی صورت حال پر تمام ذمہ دار حکام نے مجرمانہ خاموشی اختیار کر رکھی ہے اور عوام گلیات ڈویلپمنٹ اتھارٹی اور سی این ڈبلیو کے نااہل عملہ کی وجہ سے  پریشانی سے دو چار ہیں۔ ایس ایچ او بکوٹ نے متعلقہ اداروں کو بتایا کہ عوام پھنس گئے پھر میڈیا پر موقف لیا گیا تو ڈائریکٹر گلیات ڈویلپمنٹ اتھارٹی زاہد کاظمی کا کہنا ہے کہ روڈ ہمارا نہیں، سی این ڈبلیو کا ہے ،جب سی اینڈ ڈبلیو حکام سے رابطہ کیا گیا تو جواب ملا کہ فائدے گلیات ڈویلپمنٹ اتھارٹی اٹھائے اور  ملبہ ہم اٹھائیں، ایسا نہیں ہو سکتا۔
متاثرہ آبادیوں کے لوگوں کا کہنا ہے کہ نتھیاگلی بکوٹ روڈ فائیو سٹار ہوٹل کی بھینٹ چڑھ گیا۔ لینڈ سلائیڈنگ سے روڈ مکمل طور پر بند ہے۔

چئیرمین بکوٹ حسام جمشید عباسی، چئیرمین مولیا حاجی افتخار عباسی، چئیرمین تاج عباسی ۔کسان کونسلر بکوٹ 2 زاکر عباسی ودیگر عمائدین علاقہ نے متعلقہ اداروں اور انتظامیہ سے مطالبہ کیا کہ عوام کو مشکلات میں ڈالنے والے ان عناصر کے خلاف کارروائی کی جائے اور انکو لگام دی جائے بصورت دیگر رمضان المبارک کے بعد سرکل بکوٹ کے عمائدین ایک گرینڈ جرگہ منعقد کرکے اپنا احتجاجی  لائحہ عمل طے کریں گے ۔