لاہور ہائیکورٹ نےغداری قانون 124 اے کو آئین سے متصادم قرار دیدیا

حکومت کے خلاف تقاریرکرنے والوں کےخلاف بغاوت کی دفعات کے تحت مقدمہ درج کرنے کے معاملے پر عدالت عالیہ  نے بغاوت کی دفعہ 124 اے  کو تعزیرات پاکستان کو کالعدم قرار دے دیا۔جسٹس شاہدکریم نے سلیمان ابو ذر نیازی سمیت دیگرکی درخواستوں پر محفوظ فیصلہ سنادیا۔

درخواست گزار کے وکیل کا کہنا تھا کہ بغاوت کا قانون انگریز دورکی نشانی ہے، جو 1860میں بنایا گیا اور یہ قانون غلاموں کے لیے استعمال کیا جاتا تھا،کسی کےکہنے پر بھی مقدمہ درج کر لیا جاتا ہے۔درخواست میں مؤقف اپنایا گیا تھا کہ آئین پاکستان ہر شہری کو آزادی اظہار رائے کا حق دیتا ہے لیکن اب بھی حکمرانوں کےخلاف تقاریرکرنے پر دفعہ 124 اے لگا دی جاتی ہے۔

درخواست گزار سلیمان ابو ذر کا کہنا تھاکہ بغاوت کےقانون کواب بھی سیاسی مقاصد کیلیےاستعمال کیا جا رہا ہے، حکومت وقت کے خلاف تقاریر پر بغاوت کا سیکشن 124 اے لگانا آزادی رائےکےخلاف ہے۔لہٰذا اس قانون کو کالعدم قرار دیا جائے۔