عمران خان پر نااہلی کیس چلے گا یا نہیں؟ فیصلہ محفوظ

تفصیلات کے مطابق جمعرات کے روزاسلام آباد ہائیکورٹ میں مبینہ بیٹی ٹیریان کو بیان حلفی میں ظاہر نہ کرنے پرعمران خان نااہلی کیس کی سماعت ہوئی،چیف جسٹس عامرفاروق کی سربراہی میں لارجر بنچ کیس نے سماعت کی،جسٹس محسن اختر کیانی اور جسٹس ارباب طاہر بنچ میں شامل ہیں۔اس موقع پر درخواست گزار کے وکیل حامد علی شاہ نے دلائل دیتے ہوئے کہاکہ عمران خان نے بیان حلفی میں اپنی بیٹی کا نام ظاہر نہیں کیا،غلط بیانی کے باعث وہ  پارٹی سربراہ بھی نہیں رہ سکتے ،نااہلی کیلئے تمام حقائق درخواست میں درج ہیں ، وکیل درخواست گزار نے کہاکہ عمران خان نے پٹیشن میں ذکر کئے حقائق کا جواب نہیں دیاجس سے وہ تسلیم شدہ ہیں ۔

چیف جسٹس عامر فاروق نے کہاکہ ابھی تک کے ریکارڈ کے مطابق عمران خان نے انکار کیا نہ کچھ مانا، ابھی تک عدالت درخواست کے قابل سماعت ہونے کے حوالے سے سن رہی ہے ۔بعدازاں عدالت عالیہ نتے درخواست قابل سماعت ہونے یا نہ ہونے کے حوالے سے فیصلہ محفوظ کر لیا۔