”دیسی روزہ “ اپنا بچپن عجیب بچپن تھا

اکثر رمضان میں ہمارے گاؤں میں لڑائی جھگڑے ہوتے، جو بڑے دلچسپ ہوتے، سال بھر ایک دوسرے سے محبت کرتے لوگ نہ جانے کیوں رمضان میں لڑ پڑتے اور ”ڈانگ وڈانگ“ ہوجاتے ہماری ”نکی مسیت“ نمازیوں سے بھرجاتی اور ہم سنگی اذان دینے میں پہل کرنے پر لڑتے نیا نیا لاؤڈسپیکر آیا تھا
سب کو شوق تھا کہ ہماری آواز لوگ سنیں
ہر نماز کے بعد کلمے کا ورد ہوتا اور سارا علاقہ گونجتا ۔اکثر جمعہ پر ہم نعت شریف پڑھتے چاند رات پر وہ غدر ہوتا کہ الامان الحفیظ۔ عید پر ایک روپیہ عیدی ملتی تو
”لگتا کہ جیسے دولت ِکونین مل گئ “
اور ہم” مرنڈوں “ کی ”لم کڈھتے “ یہ وہ وقت تھا جب گاؤں میں بیت الخلاء کا کسی پتہ تک نہیں تھا گھر میں” کھرا “
یا ”چھلچھووی “ ہوتی تھی تمام گاؤں کے مرد حضرات قدرتی چشموں پر غسل فرماتے یا ندی نالوں کا رخ کرتے، شرم و حیا اتنا کہ ہم چودہ پندرہ سال کی عمر تک بے پیرہن” پورما نی ٹہن “ روی والے سند “
میں سنگی نہاتے تھے۔ آج انفارمیشن کے سیلاب نے بچوں کو وقت سے پہلے جوان کردیا ہے
"روزہ لگ جانا اور روزہ چڑھ جانا” کی اصطلاح بھی گاؤں میں ہی ایجاد ہوئی
ہمارے ایک” مِتر “ جو شدید نسوارچی واقع ہوۓ تھے اکثر روزےکے دوران بھی نسوار ڈالے رکھتے جو بہ وقت گفتگو نظر بھی آتی کوئی پوچھے کہ روزے میں نسوار ؟
تو کہتے ”سرگی رکھی فیر یاد نہئ رہی “
حالانکہ وہ روزہ نہیں رکھتے تھے
نگری کی منڈی ہمارے علاقے کے بہت سے دیہات کا مرکز تھی ،چنالی ماڑی بینانی میرا حسنال تروڑ بسویڑ بٹنگی جیسے بڑے گاؤں کا یہی مرکز تھا۔ لوگ ”بہتروں “ {کھوتوں }
پر اشیاے ضروریہ لاد کر لے جاتے آج وہ سارے گاؤں خود ایک منڈی کی صورت اختیار کر گئے ہیں، جہاں پکے روڈ جاتے ہیں
اور نگری منڈی چالیس سال پرانا منظر پیش کر رہی ہے
نظم

اپنا بچپن عجیب بچپن تھا
نہ کوئی فکر تھی، نہ کچھ غم تھا
زندگی سادگی سے کٹتی تھی
اور محبت دلوں میں بٹتی تھی
رتڑوں کا شکار کرتے تھے
ایک دوجے سے پیار ہوتا تھے
گو کہ غربت کےگھر میں ڈیرے تھے
ہاں مگر دن بڑے سنہرے تھے