گلیات میں مسافر جیپ حادثے کا شکار،3 خواتین جاں بحق

اس حوالے سے موصولہ تفصیلات کے مطابق محلہ بانڈی پھٹیاں بکوٹ کے فرید عباسی کے بیٹے حسنین فرید کی رسم نکاح پر بانڈی کھن درویش آباد جانے والی جیپ نمبرD1538 I جسے ڈرائیور یٰسین ولد عبدالشکور سکنہ سیری چلا رہا تھا کہ نتھیا گلی بکوٹ روڈ سے محلہ باڑی لنک روڈ کے مقام پر موڑ تنگ ہونے کی وجہ سے جیپ کھائی میں گر گئی ،جیپ میں سوار بکوٹ سے تعلق محمد فرید عباسی کی بیٹی(آ)زوجہ قاسم عباسی اور محمد نزیر سکنہ ہل کس سیری کی زوجہ موقع پر دم توڑ گئی۔ گاڑی میں سوار دیگر خواتین ثانیہ فرید ۔سمیعہ اور حسنین شدید زخمی ہوگئے ۔گاڑی کا ڈرائیور محمد یٰسین ولد عبدالشکور بھی زخمی ہو گیا زخموں کو مقامی افراد نے ریسکیو کیا اور ایبٹ آباد اور بکوٹ کے بنیادی مراکز صحت میں مذید طبی امداد کے لیے بھیجا گیا ۔

اطلاع ملنے پر ایس ایچ او تھانہ بکوٹ سردار نازک محمود بمعہ نفری جائے حادثہ پر پہنچ گئے ۔عینی شاہد اور جیپ کی فرنٹ سیٹ بیٹھے ماسٹر سردار نجیب خان جو معجزانہ طور پر محفوظ رہے، انھوں نے بتایا کہ حادثہ موڑ تنگ ہونے کی وجہ سے پیش آیا ۔حادثہ میں جاں بحق اور زخمی ہونے والے فرید عباسی کے بیٹے حسنین فرید کی رسم نکاح پر گئے تھے۔