راولپنڈی سے سرکاری آٹے کی اسمگلنگ کا انکشاف

تفصیلات کے مطابق پیرودھائی موڑ راولپنڈی غوثیہ اڈے کے قریب سے سستا سرکاری آٹا    سمگل کیاجانے لگا،مردان سے آنے والی کرولا، ایکس ایل آئی ، شہزور گاڑیوں میں چھپا کر سستا سرکاری آٹا سنگجانی موٹر وے کے راستے سمگل کیاجاتاہے،انٹرچینج سے سی پیک روٹ کے ذریعے یہ دھندہ جاری ہے ،ذرائع کا کہنا ہے کہ چھوٹی گاڑیوں میں سو سے ایک سو بیس تھیلے سمگل ہورہے ہیں اور راستے میں پولیس کی مٹھی گرم کرکے دیدہ دلیری کے ساتھ یہ دھندہ کیاجارہاہے ،

ذرائع کا مزید کہنا ہے کہ اس سارے مکروہ فعل میں سرکاری ملوں کی ملی بھگت بھی شامل ہے ، سرکاری آٹا سبز تھیلوں کے بجائے سفید تھیلوں میں پیک کئے جانے  کے باعث اس کی سمگلنگ آسان ہے ، عوامی حلقوں نے فوڈ انسپکٹر پنجاب سمیت تمام ارباب اختیار سے مطالبہ کیا ہے کہ وہ آٹے کی سمگلنگ روکنے کے لئے ہنگامی بنیادوں پراقدامات کریں۔