راولپنڈی میں سستا سرکاری آٹا بیچنے والے بھی ڈکیتوں کا نشانہ بن گئے

راولپنڈی میں سستا سرکاری آٹا بیچنے والے بھی ڈکیتوں کا نشانہ بن گئے، جھنڈا چیچی کے قریب  مسلح موٹر سائیکل سوار اسلحہ کی نوک پر لاکھوں روپے نقدی ، موبائل فون چھین کر فرارہو گئے،

اس حوالے سے تھانہ سول لائن میں  مقدمہ درج کراتے ہوئے کامرن محمو د نےبتایا کہ میں نے ڈرائیور امین اور مزدور زاہد کی مدد سے جھنڈا چیچی کے مقام پر سستا سرکاری آٹا فروخت کیا اور جب سیل ختم کر کے  ہم تینوں واپسی  کیلئے گاڑی میں بیٹھے تو دو موٹرسائیکل سوار آئے اور گن پوائنٹ پر نقدی تین لاکھ 32 ہزار روپے اورموبائل فون  چھین کر فرار ہو گئے، پولیس نے مقدمہ درج کر کے تفتیش شروع کر دی ہے،واضح رہے کہ راولپنڈی اور گرد و نواح میں ڈکیتی کی وارداتوں میں غیر معمولی اضافہ ہو گیا ہے جس سے عوامی حلقوں میں تشویش پائی جاتی ہے۔