ایبٹ آبادمیں ایک ہی خاندان کے4 افرادکےاندھے قتل کا ملزم پکڑاگیا

اس حوالے سے ڈسٹرکٹ پولیس آفیسر ایبٹ آباد عمر طفیل نے جمعرات کے روز  میڈیاکو بریفنگ دی جبکہ اس موقع پرمقتولین کے ورثاء اور بچوں کے والد خالد عباسی بھی پریس کانفرنس میں موجود تھے۔

۔تفصیلات کے مطابق 9فروری 2023 کو تھانہ نواں شہر گاوں گلی بنیاں میں خالد محمود عباسی کے گھرکو نامعلوم وجوہات کی بنا پر آگ لگنے کے نتیجے میں  اس کی بیوی ث۔20 سالہ بیٹی دو بیٹے 22 سالہ معین اور 15 سال کا عبدالمعز بری طرح جھلس کر جاں بحق ہوگئے تھے۔

مقتول بھائی معین اور معز کی فائل فوٹو

پولیس کو اموات کا سبب آتشزدگی بتائی گئی جبکہ ورثا نے لاشوں کا پوسٹمارٹم کرانے سے بھی انکار کر دیا تھا۔بعد ازاں شک کی بنیاد پر ڈسٹرکٹ پولیس آفیسر عمر طفیل کی قیادت میں سی ٹی ڈی ۔ڈی ایس پی انوسٹی گیشن اور تھانہ دار نواں شہر سردار واجد کی ٹیم نے خصوصی تفتیش کی  اور سائنسی بنیادوں پر جدید ٹیکنالوجی کی مددسے تحقیقات کی جس کی بنیاد پر ملزم جواد عرف جیدی ولد مشتاق سکنہ گلی بنیاں کو گرفتار کر لیا گیا جس نے بتایا کہ اس نے پہلے اپنی پھوپھی کے بیٹوں کو پھر بیٹی اور اس کے بعداپنی حقیقی پوپھی ثمینہ کو  قتل کیا پھر گھر سے 5 تولے سونا دو لاکھ 75 ہزار نقدی چوری کئے۔ اس واردات کو چھپانے کے لیے مقتولین کے ساتھ ان کے گھر کو بھی آگ لگادی تاکہ جرم چھپ جائے۔

پولیس نے زیر دفعہ 302۔380۔436۔427۔209۔مقدمہ درج کرکے گرفتاری کی اور مزید تحقیقات جاری ہیں۔پولیس کے مطابق ملزم کا مجرمانہ ریکارڈ موجود ہے اور وہ پہلے بھی سنگین وارداتوں میں ملوث رہا ہے۔