سرکل بکوٹ میں جنگلی جانوروں کاراج، درندوں نے بکریاں چیرڈالیں

تفصیلات کے مطابق دو روز قبل بیروٹ کے محلہ چنجل میں عبدالرزاق نامی شخص کے گھر میں گھس کر جنگلی جانور نے پانچ عدد قیمتی پالتو بکریاں مارڈالیں، مقامی لوگوں کے مطابق یہ لکڑ بگڑ جیسے کسی درندے کی کارروائی ہے۔ اس سے قبل بیروٹ خورد اور یونین کونسل کے دوسرے دیہاتوں میں بھی پندرہ کے قریب پالتو جانوروں کے مارے جانے کی اطلاعات ہیں۔ یونین کونسل بکوٹ ،بیروٹ، نمبل وغیرہ میں چیتوں، بندروں ،سوروں اور دیگر جنگلی حیات کے ساتھ جنگلی کتوں اور لکڑبگڑ جو کہ دریائے جہلم اور دوسرے نالوں کنیر کس بکوٹ نالہ ودیگر قدرتی چشموں کے آس پاس موجود ہیں، ان جنگلی جانوروں نے علاقہ میں فصلوں اور پھلدار پودوں کے ساتھ ساتھ پالتو جانوروں کو بھی نشانہ بنانا شروع کر دیا ہے۔ علاقے کے عوام نے کمشنر ہزارہ ڈپٹی کمشنر ایبٹ آباد اور دیگر انتظامی حکام سے مطالبہ کیا ہے کہ جن غریب لوگوں کے نقصانات ہوئے ان کو معاوضہ دیا جائے اورمحکمہ وائلڈ لائف کی غفلت پر ان کے خلاف کارروائی کی جائے جو میڈیا پر اپنی جھوٹی کارکردگی بیان کرتے نہیں تھکتے، ان کو گلیات سرکل بکوٹ کے عوام کے جان و مال کی کوئی پروا نہیں ۔

عوامی  حلقوں کا کہنا ہے کہ بیروٹ ،بکوٹ ،مولیا ،نمبل  اور دیگر ملحقہ دیہاتوں میں اب سکولوں میں جانے والے بچوں کے راستے بھی محفوظ نہیں رہے، اب اگر کوئی نقصان ہوا تو تمام تر زمہ داری انتظامیہ اور محکمہ وائلڈ لائف پر ہوگی ۔ ان جنگلی جانوروں کو آبادیوں سے دور کیا جائے اور ایوبیہ نیشنل پارک اور دوسرے جنگلات میں رکھنے کا بندوبست کیا جائے ۔