ایبٹ آباد میں آسمانی بجلی نے جان لے لی،خاتون سمیت 10 زخمی

دو افراد کو ایبٹ آباد ایوب میڈکل کمپلکس میں ریفر کیا گیا ۔حادثے کی اطلاع ملتے ہی ایبٹ آباد پولیس ریسکیو 1122 کی ٹیم موقع پر پہنچ گئی اور مقامی لوگوں کے ساتھ مل کر امدادی سرگرمیوں میں حصہ لیا ۔ترجمان پولیس  ریسکیو ومقامی ذرائع کے مطابق بارش سے بچنے کےلئے پہاڑ میں بنائی گی جگہ میں بیٹھے افراد آسمانی بجلی کی زد میں آگئے تھے۔

ادھر ایبٹ آباد میں آسمانی بجلی گرنے کے دوسرے واقعے میں تھانہ بگنوتر کی حدود یونین کونسل باغ کے محلہ سیریاں میں دن 12بجے آسمانی بجلی گرنے سے کچے مکان میں رہائش پذیر بیوہ اورنگزیب سمیت اس کے بیٹے گلفراز،وسیم،زیشان اور یاسین مکان کی چھت گر نے سے دب گئے۔ مقامی افراد نے بارش کے دوران زخمیوں کو ملبے سے نکالا اور اپنی مدد آپ کے تحت تشویش ناک حالت میں ایوب میڈیکل کمپلیکس ہسپتال منتقل کیا تھانہ بگنوتر پولیس بھی اطلاع ملتے موقع پر پہنچ کر حالات کا جائزہ لیا چیئرمین ویلج کونسل باغ مشتاق عباسی,جنرل کونسلر شکیل عباسی, عبدالرزاق عباسی نے زخمیوں کی عیادت کی اور ضلعی انتظامیہ سے بیوہ خاتون کی امداد کا مطالبہ کیا ریسکیو 1122کا بروقت نہ پہنچنے پر غم و غصے کا اظہار کیا اور حکام بالا سے مطالبہ کیا ریسکیو 1122کا ہرنو میں آفس ہونا چاہیے تاکہ کہ کسی بھی ایمرجنسی کی صورت میں ریسکیو ٹیم گاؤں باغ،بانڈی میرا، چہان ودیگر علاقوں میں بروقت پہنچ سکے اور لوگوں کو بروقت امداد مل سکے۔