ازخود نوٹس کیس میں فل کورٹ بنانے کی حکومتی درخواست

تفصیلات کے مطابق   وفاقی حکومت میں شامل پاکستان مسلم لیگ (ن)، پیپلزپارٹی اور جمعیت علمائے اسلام نے سپریم کورٹ میں پنجاب اورخیبرپختونخوا میں انتخابات سےمتعلق ازخودنوٹس کیس میں فل کورٹ بنانے کیلئے درخواست دائر کردی۔یہ درخواست فاروق ایچ نائیک،کامران مرتضیٰ اور منصور عثمان ایڈووکیٹ کے توسط سے دائر کی گئی ہے۔

درخواست میں استدعا کی گئی ہے کہ از خود نوٹس کیس کی سماعت کیلئے سپریم کورٹ کے تمام ججز پر مشتمل فل کورٹ بنائی جائے تاہم اس میں جسٹس اعجاز الاحسن اور جسٹس مظاہر علی اکبر نقوی کو شامل نہ کیا جائے۔

حکومتی جماعتوں کی جانب سے دائر کردہ درخواست میں مؤقف اختیار کیا گیا ہے کہ دونوں ججز پہلے سے اپنا مائنڈ کیس میں اپلائی کرچکے ہیں، کئی آئینی، قانونی اور عوامی اہمیت کے سوال سامنے آ چکے ہیں جن پر سماعت ضروری ہے۔