لاہور ہائی کورٹ نے مری ضلع بحال کر دیا

  پنجاب کی نگران حکومت کی طرف سے ضلع مری کی معطلی کا نوٹی فیکیشن لاہور ہا ئی کورٹ راولپنڈی بینچ کے جج سلطان تنویر احمد کی عدالت نے معطل کر کے ضلع مری کو بحال کر دیاہے۔

 این اے 57 سے پیپلز پارٹی کے امیدوار راجہ شوکت علی عباسی ، ممبر فیڈرل کو نسل پی پی پی عبد الجبار ستی ، سابق ناظم شکیل عباسی سہر بگلہ ، راجہ اخلاق  صدر انجمن تاجران مری  نے بیرسٹرراجہ حمزہ انور  عباسی، عمائمہ خان  عباسی ایڈووکیٹ  کے ذریعے رٹ پٹیشن نمر 698/23 دائر کی تھی جسی میں نگران حکومت کے ضلع مری کی بابت  15 فروری کے  نوٹیفیکیشن کے خاتمے کو چیلنج کیا گیا تھا۔جمعہ کے روز عدالت عالیہ کے روبرو  بیرسٹر حمزہ نے  دلائل دیتے یوے مذکورہ نوٹیفیکیشن کو  اختیارات سے تجاوز اور خلاف قانون قرار دیا ۔ حکومت پنجاب کی طرف سے اسسٹنٹ ایڈوکیٹ جنرل کو سننے کے بعد  عدالت عالیہ نے مورخہ 15فروری کو جاری کیا گیا مذکورہ نوٹیفیکیشن  تا فیصلہ  مقدمہ معطل کر دیا جس سے پرانی صورت حال بحال ہو گئی ،یعنی مری ضلع ایک بار پھر بحال ہو گیا ہے۔