عالمی ادارے موڈیز نےبیرونی ادائیگیوں کی صورت حال تشویشناک قراردے دی

دنیا بھر کے مختلف ممالک کی معیشتوں کی درجہ بندی کرنے والے عالمی ادارے موڈیز نے پاکستان کی بیرونی ادائیگیوں کی صورتحال تشویشناک قرار دے دی ہے۔

موڈیز کے تازہ تجزیئے میں کہا گیا ہے کہ پاکستان کی بیرونی ادائیگیوں کی صورتِ حال تشویشناک ہے،آئی ایم ایف کی اگلی قسط جاری کرنےکی پیشگی شرط کے طور پر آمدنی بڑھانے کے اقدامات کیلئے کہا جا سکتا ہے۔

موڈیز کا کہنا ہے کہ سماجی اور سیاسی خدشات حکومت کے اصلاحاتی پروگرام پر عملدرآمد کو مشکل بنائیں گے، حکومت پاکستان کے لیے لیکویڈٹی اور بیرونی خدشات میں اضافہ ہوا ہے اور  اگلے چند برسوں کی فنانسنگ ضروریات کو حاصل کرنا دشوار رہے گا ۔

خیال رہے کہ جمعہ کو پریس کانفرنس میں  وزیر خزانہ اسحاق ڈار نے کہا ہےکہ آئی ایم ایف سے ڈیل کے تحت 170 ارب روپے کے نئے ٹیکسز لگانا ہوں گے جس کے لیے منی بجٹ لانا ہوگا۔