اردو ادب کا درخشاں ستارہ ڈوب گیا، امجد اسلام سپرد خاک

امجد اسلام امجدنے 1967ء میں پنجاب یونیورسٹی سے فرسٹ ڈویژن میں ایم اے (اردو) کیا۔ 1968ء تا 1975ء ایم اے او کالج لاہور کے شعبہ اردو میں استاد رہے۔ اگست 1975ء میں پنجاب آرٹس کونسل کے ڈپٹی ڈائریکٹر مقرر ہوئے۔نوے کی دہائی میں دوبارہ ان کی خدمات محکمہ تعلیم کے سپرد کر دی گئیں اور دوبارہ ایم اے او کالج میں ہی شعبہ تدریس سے منسلک ہو گئے۔ یہاں سے ان کی تعیناتی بطور ڈائریکٹر چلڈرن کمپلکس ہوئی اور وہیں سے انہوں نے ریٹائرمنٹ لی۔ 1975ء میں ٹی وی ڈراما (خواب جاگتے ہیں ) پر گریجویٹ ایوارڈ ملا۔ اس کے علاوہ مشہور ڈراموں میں وارث (ڈراما)، دن، فشار (ڈراما)، شامل ہیں۔ ایک شعری مجموعہ برزخ اور جدید عربی نظموں کے تراجم عکس کے نام سے شائع ہوچکے ہیں جبکہ افریقی شعرا کی نظموں کا ترجمہ کالے لوگوں کی روشن نظمیں کے نام سے لاہور سے شائع ہوا۔ اس کے علاوہ تنقیدی مضامین کی ایک کتاب (تاثرات) بھی ان کی تصنیف کردہ ہے۔

دل کے دریا کو کسی روز اتر جانا ہے

اتنا بے سمت نہ چل لوٹ کے گھر آنا ہے

اس تک آتی ہے تو ہر چیز ٹہر جاتی ہے

جیسے پانا ہی اسے اصل میں مر جانا ہے

بول اے شام سفر رنگ رہائ کیا ہے

دل کو رکنا ہے کہ تاروں میں ٹہر جانا ہے

کون ابھرپے ہوۓ ماہتاب کا راستہ روکے

اس کو ہر طور سوۓ دشت سحر جانا ہے

میں کھلا ہوں تو اسی خاک میں ملنا ہے مجھے

وہ تو خوشبو ہے اسے اگلے نگر جانا ہے

وہ تیرے حسن کا جادو ہو کہ میرا غم دل

ہر مسافر کو اسی گھاٹ اتر جانا ہے