شیخ رشید کی ضمانت پھر مسترد، جیوڈیشل ریمانڈ پر اڈیالہ جیل روانہ

اس موقع پر شیخ رشید کا کہنا تھا کہ یہ جھوٹ پر مبنی کیس ہے،سرکاری طور پر” پٹریاٹ” پارٹی بنانے کی کوشش کی جا رہی جس کا مجھے سربراہ بنانے کی پیشکش کی گئی ہے ،مگرمیں اُن طاقتوں کو بتا دینا چاہتا ہوں کہ میرا جینا مرنا عمران خان کے ساتھ ہے۔ مجھے اگر ساری زندگی جیل میں رہنا پڑے تب بھی میں اپنی وفاداری تبدیل نہیں کرون گا۔ اُن کا کہنا تھا کہ اسلام آباد پولیس نے میرے گھر ڈکیتی کی میرے پیسے ، لائسنس یافتہ اسلحہ اور گاڑیاں پولیس ساتھ لے گئی اور میرے ملازمین کو تشدد کا نشانہ بنایا۔

شیخ رشید کی عدالت میں پیشی کے موقع پر مری کی ضلع کچہری میں سیکیورٹی کے انتہائی سخت اقدامات کیے گئے تھے۔ پولیس کی بھاری نفری تعینات رہی ۔معزز جج کے فیصلے کے بعد شیخ رشید کو سخت سیکیورٹی میں اڈیالہ جیل روانہ کر دیا گیا۔ شیخ رشید کی پیشی کے موقع پر پی ٹی آئی کے کارکنوں کی بڑی تعداد بھی عدالت کے باہر موجود تھی جنہوں نے شیخ رشید کے حق میں اور حکومت کے خلاف شدید نعرہ بازی کی اس موقع پر شیخ رشید کے وکیل سردار عبدالرازق ایڈووکیٹ نے میڈیا سے گفتگو کرتے ہوئے بتایا کہ ہم نے  اس مقدمے میں ضمانت دائر کر دی ہے جس پر تمام فریقین کو نوٹسز جاری کر دیے گئے ہیں۔