عامر ڈوگرسمیت 12 گرفتار، کیاتحریک انصاف کی جیل بھرو تحریک شروع ہوگئی؟

واضح رہے کہ ملتان میں کاغذات نامزدگی جمع کرانے کے دوران مسلم لیگ (ن) اور تحریک انصاف کے کارکنان میں جھگڑا ہوگیا تھا۔جس کے بعد الیکشن کمیشن کا آفس  کافی دیر تک میدان جنگ بنا رہا۔بعد ازاں پولیس نے ہنگامہ آرائی کے الزام میں پی ٹی آئی کے رہنما اور سابق چیف وہپ قومی اسمبلی  عامر ڈوگر کے ڈیرے پر چھاپہ مار کر ان سمیت 12 کارکنوں کو حراست میں لے لیا۔

سٹی پولیس افسر رانا منصور کے مطابق الیکشن کمیشن کی جانب سے درخواست کے بعد سی سی ٹی وی کی مدد سے مزید ملزمان کی شناخت کی جا رہی ہے۔

ان کا کہنا تھا کہ پی ٹی آئی رہنما عامر ڈوگر نے بھی کارکنوں کے ہمراہ گرفتاری دینے پر اصرار کیا اور کہا کہ میں بھی آپ کے ساتھ چلوں گا جس پر پقولیس انہیں لے آئی۔

دوسری جانب پولیس نے سرکاری طور پر ملک عامر ڈوگر کی باقاعدہ  گرفتاری کی تردید کی ہے۔

دریں اثنا  ملتان میں تحریک انصاف کے کارکنوں نے عامر ڈوگر اور دیگر کارکنوں کی گرفتاری کے خلاف احتجاج کیا۔ کارکنوں نے دو مقامات پر ٹائر نذرآتش کرکے سڑک کو ٹریفک کیلئے بند کردیا۔