دیامرمیں مسافربس اور کارباہمی تصادم کےبعد کھائی میں جاگریں،30 مسافرجاں بحق

پولیس ذرائع کا کہنا ہے کہ مسافر بس اور کار کے درمیان حادثہ دیامر کے علاقے شتیال میں پیش آیا جہاں مسافربس اور کار آپس میں ٹکرانے کے بعد کھائی میں گرگئیں۔

حادثے میں 30 افراد جاں بحق ہوگئے جن کی لاشوں کو آر ایچ سی اسپتال منتقل کردیا گیا ۔ریسکیو حکام کے مطابق جاۓ حادثے پر کارروائیاں جاری ہیں لیکن اندھیرےکی وجہ سے مشکلات کا سامنا ہے۔

واضح رہے کہ مسافر بس گلگت سے راولپنڈی جارہی تھی جبکہ کار گلگت جا رہی تھی کہ تیز رفتاری کے باعث سامنے سے آنے والی کار سے تصادم ہوگیا جو بڑے جانی نقصان کا باعث بنا۔