ایبٹ آباد کےگھر میں آتشزدگی،4 کمسن بہن بھائی جھلس کر جاں بحق

ایبٹ آبادمیں سبزی منڈی کے قریب ایک گھرمیں اچانک آگ بھڑک اٹھی جس  کے نتیجے میں 4 کم سن بہن بھائی موقع پر جاں بحق جبکہ خاندان کے  چار افراد جھلس کر شدید زخمی ہو گئے جن میں سے دو کی حالت تشویشناک بتائی جاتی ہے۔
جھلس کر جاں بحق ہونے والے بچوں کو بے نطیر بھٹو شہید ہسپتال منتقل کر دیا گیا جبکہ  دیگر چار زخمیوں کو ایوب میڈیکل کمپلیکس منتقل کیا گیا ۔ ریسکیو 1122 کے فائر فائٹرزنے موقع پر پہنچ کر آگ پر قابو پا لیا ۔
ریسکیو آپریشن کی نگرانی  ڈسٹرکٹ ایمرجنسی آفیسر محمد عارف خٹک نے  کی ۔
اس موقع پر  اسسٹنٹ کمشنر ثقلین نے زخمیوں کو ہر ممکن سہولیات فراہم کرنے کی ہدایت کی۔