مری میں داماد نے سسر اور سالے کو قتل کر ڈالا

پولیس کی ابتدائی تحقیقات کے مطابق نیو مری کے علاقہ بھتنی میں گھریلو رنجش کے باعث داماد نے فائرنگ کر دی جس کے نتیجے میں گولی لگنے سے 70 سالہ باپ گلفراز ولد اللہ دتہ اور 40 سالہ ابرارولد گلفراز موقع پر جاں بحق ہوگئے ۔

واقعے کی اطلاع ملتے ہی ریسکیو 1122اور پولیس موقع پر پہنچ گئی اور ابتدائی رپورٹ مکمل کرنے کے بعدنعشوں کو فرانزک ٹیم کے معائنے اور شواہد اکٹھے کرنے کیلئے اپنی تحویل میں لے لیا۔ قانونی کاروائی کرنے کے بعد پولیس نے نعشوں کو تحصیل ہیڈکواٹر ہسپتال مری منتقل کردیا،

دوسری طرف آر پی او راولپنڈی ریجن سید خرم علی نے اس واقعے کانوٹس لیتے ہوئے ایس ڈی پی او مری کو ملزم کی فوری گرفتا ری کے احکامات جاری کردئیے ہیں۔