ایبٹ آباد سے قومی اسمبلی کی خالی نشست  پرالیکشن شیڈول کا اعلان

ترجمان الیکشن کمیشن کے مطابق اين اے-16 ایبٹ آباد-2 کی خالی نشست پر ضمنی الیکشن کے لیے پبلک نوٹس 8 فروری کو ریٹرننگ آفیسر کی جانب سے جاری کیا جائے گا۔
امیدواران مورخہ 10 فروری سے 14 فروری 2023 تک متعلقہ ریٹرننگ آفیسر/ضلعی الیکشن کمشنر کے دفتر سے کاغذات نامزدگی وصول اور پھر جمع کروا سکیں گے۔ این اے-16 ایبٹ آباد-2 کی نشست پر پولنگ 19 مارچ 2023 بروز اتوار ہوگی۔
ریجنل الیکشن کمشنر ہزارہ ڈویژن ایبٹ آباد عزیز بہادر کو ڈسٹرکٹ ریٹرننگ آفیسر اور ضلعی الیکشن کمشنر ایبٹ آباد ذیشان خان کو ریٹرننگ آفیسرنامزد کیا گیا ہے ۔امیدواران ضلعی الیکشن کمشنر آفس ایبٹ آباد میں کاغذات نامزدگی جمع کرا سکیں گے ۔