ترکیہ اور شام میں قیامت خیز زلزلے سے اموات 2300 سے متجاوز

ترکیہ میں زلزلے کے خوفناک جھٹکوں سے کم از کم 10 ترک شہروں میں بدترین تباہی ہوئی ہے جبکہ دارالحکومت انقرہ سمیت کئی شہر جزوی طور پر متاثر ہوئے ہیں۔ اب تک کی معلومات کے مطابق سترہ سو سے زائد عمارتیں ملبے کا ڈھیر بن گئیں۔ ترک حکومت نے ملک میں ہنگامی حالت کے نفاذ کا اعلان کیا ہے اور عوام سے اپیل کی ہے کہ وہ موبائل فون استعمال نہ کریں تاکہ امدادی کارکنوں کو آپس میں رابطے کرنے میں آسانی رہے۔
پاکستان اور بھارت سمیت کئی ممالک نے ترکیہ میں زلزلے کے بعد امداد کا اعلان کیا ہے جنکہ بعض ممالک نے اپنی ریسکیو ٹیمیں بھی روانہ کر دی ہیں۔ واضح رہے کہ زلزلے کی شدت سات اعشاریہ آٹھ بتائی جا رہی ہے۔ زلزلے سے ہونے والی تباہی کا اب درست اندازہ اب تک نہیں لگایا جا سکا۔