شیخ رشید احمد دو روزہ جسمانی ریمانڈ پر پولیس کے حوالے

 یورین سیمپل دینے سے شیخ رشید کا انکار

سابق وزیر داخلہ شیخ رشید احمد نے الکوحل ٹیسٹ  کیلئے یورین کا  سیمپل دینے سے انکار کر دیا۔

جمعرات کو پولیس جب شیخ رشید کو الکوحل ایگزامینیشن ٹیسٹ کے لیے راولپنڈی کے پولی کلینک اسپتال لائی تو انہوں نے یورین سیمپل کے ذریعے ٹیسٹ کرانے سے صاف  انکار کر دیا تاہم انہوں نے الکوحل ٹیسٹ کے لیے ڈاکٹرز کو بلڈ سیمپل لینے دیا۔

اسپتال ذرائع کے مطابق اس موقع پر شیخ رشید احمد چاق و چوبند اور مکمل ہوش و ہواس میں تھے، انہوں نے  ای سی جی کرانے سے بھی انکار کیا۔اس طرح پولی کلینک اسپتال میں شیخ رشید احمد کا کوئی اور ٹیسٹ نہیں کیا گیا۔قبل ازیں گرفتاری کے بعد اپنے بیان میں شیخ رشید نے دعوٰی کیا تھا کہ  میں نے  زندگی میں کبھی نشہ کیا اور نہ شراب پی،  حکومتی وزرا اور ان کے کارندوں سے میری جان کو خطرہ ہے۔