حالیہ برف باری کے دوران ضلع مری کی انتظامیہ کے دعووں کا پول کھل گیا

کل سے کوہسار کے اکثر علاقوں میں برف باری کا سلسلہ جاری ہے۔ ضلع مری کی انتظامیہ کا دعوی تھا کہ گزشتہ برس کے سانحہ مری سے سبق سیکھتے ہوئے اس بار فول پروف انتظامات کیے گئے ہیں۔ لیکن زمینی حقائق اس کے برعکس ہیں۔

رات سے مری اور مضافات میں شدید برف باری جاری ہے۔ ہم نے خود ایک گھنٹے میں سنی بنک سے جھیکا گلی کا فاصلہ طے کیا۔ ہماری گاڑی تقریبا ایک گھنٹہ پھنسی رہی۔ فول پروف انتظامات کی دعوے دار انتظامیہ کی نااہلی خود دیکھی۔ نام نہاد ٹورزم سکواڈ اور ٹریفک پولیس کا رویہ مایوس کن رہا۔ گشت پر موجود کسی اہلکار نے اپنی گاڑی کا شیشہ نیچے کرکے پوچھنا تک گوارہ نہ کیا۔

اداروں کے سربراہان سے گزارش ہے کہ دعووں کے بجائے عملی انتظامات پر توجہ دیں۔ ورنہ خدا نخواستہ کوئی اور سانحہ مری بھی جنم لے سکتا ہے۔

راحیل انار عباسی ۔۔ بھوربن ۔۔۔ مری