کمشنر راولپنڈی ڈویژن لیاقت علی چٹھہ کا مری کا سرپرائز دورہ

کمشنر راولپنڈی ڈویژن لیاقت علی چٹھہ نے چارج سنبھالتے ہی چھٹی کے روزمری کا سرپرائز دورہ کیا جس کا مقصد پیرتک متوقع بارشوں اور برفباری  کے پیش نظر انتظامات کا جائزہ لینا تھا۔ کمشنر راولپنڈی نے ایکسپریس وے مری کے دا خلی راستے پر رک کرڈیوٹی پرتعینات پو لیس اہلکاروں سے گفتگو کی اور مری میں دا خل ہونے والی ٹریفک کی تعداد اور مسافروں کو دی جانے والی ٹر یفک ایڈوائزری کے بارے میں پوچھ گچھ کی ۔ انہوں نے تمام پو لیس اہلکاروں کو الرٹ ر ہنے اور کنٹرول روم سے مسلسل را بطہ رکھنے کی ہدا یت بھی کی۔

بعد ازاں کمشنر راولپنڈی ڈویژن نے جناح ہال مین قائم کنٹرول روم ،جھیکا گلی، کلڈنہ اور باڑیاں کا دورہ کیا اور سڑکوں کا معائنہ کیا، نیزٹریفک کی صورت حال کاجائزہ بھی لیا۔ انہوں نے متعلقہ حکام کو ہدایت کی کہ مری کے ایمرجنسی منصو بے پر سختی سے عمل کیا جائے اور ہر محکمہ اپنی ذمہ داری مستعدی اور فرض شناسی سے انجام دے۔ کمشنر  لیاقت علی چٹھہنے برف  ہٹا نے والی تمام مشینری کو فعال رکھنے اور سٹا ف کی حاضری کو بھی یقینی بنانے کی بھی ہدایت کی۔

۔کمشنرکو بریفنگ کے دوران بتایا گیاکہ محکمہ موسمیات کی پیش گوئی کےمطابق پیر صبح تک تیز ہواؤں، اور گرج چمک کے ساتھ مری میں شدید برفبا ری متو قع ہے اور برفباری کی وجہ سے مری میں لینڈ سلائیڈ نگ کا  بھی خدشہ ہے۔ برفباری کے موسم کے دوران جناح ہال مری میں ضلعی کنٹرول روم قائم کنٹرول روم سے051-9269015/9269017-18 نمبر پر را بطہ کیا جا سکتا ہےاسسٹنٹ کمشنر (ہیڈ کواٹر) کے ز یر نگرانی 24 گھنٹے فعال رہنے والے اس کنٹرول روم میں پنجاب پو لیس، ٹر یفک پو لیس، ر یسکیو1122، جنگلات آئیسکو، سول ڈیفنس و دیگر متعلقہ محکموں کاعملہ بھی موجود رہے گا۔مری کے اس دورے کے مو قع پرڈپٹی کمشنر  مری احمد حسن را نجھا، ایڈ یشنل ڈپٹی کمشنر(ریونیو) قاسم اعجازو د یگر متعلقہ افسران بھی وہاں مو جودتھے۔۔۔