شیخ رشید کی لال حویلی پھر خطرے میں پڑ گئی

واضح رہے کہ شیخ رشید اور ان کے بھائی کو متروکہ وقف املاک بورڈ نے 13 اکتوبر 2022 سے نوٹس دے رکھا ہے کہ وہ حویلی خالی کریں تاہم ان کی طرف سے متعلقہ ادارے کو مزاحمت کا سامنا ہے ۔
ذرائع کا کہنا ہے کہ اب ایک بار پھر متروکہ وقف املاک بورڈ نے لال حویلی سمیت 7 یونٹس کا قبضہ واپس لینے کیلئے کارروائی کا فیصلہ کیا ہے۔ ڈپٹی ایڈمنسٹریٹر وقف املاک نے ڈپٹی کمشنر کو معاونت کیلئے خط لکھ دیا ہے، اس کے علاوہ ایف آئی اے سے بھی مدد طلب کرلی گئی ہے۔

وقف املاک بورڈ کے ذرائع کا کہنا ہے کہ لال حویلی اور ملحقہ 7 اراضی یونٹس پر شیخ رشید اور ان کے بھائی نے غیر قانونی طور پر قبضہ کر رکھا ہے اور تاحال کوئی ریکارڈ بھی پیش نہیں کر سکے۔

ادھر شیخ رشید کے بھتیجے شیخ راشد شفیق نے ایک بیان میں کہا ہے کہ انہیں اطلاع ملی ہے کہ متروکہ وقف املاک لال حویلی کو سیل کرنا چاہتی ہے۔ انہوں نے دعوی کیا کے وہ لال حویلی اور ملحقہ اراضی کی رجسٹری متروکہ وقف املاک میں جمع کرا چکے ہیں اوران کی درخواست پر عدالت نے ابھی کوئی فیصلہ نہیں سُنایا ہے۔ لال حویلی ان کی ملکیت ہے اور اس کی ملکیتی دستاویزات ان کے پاس موجود ہیں۔