پرویز الٰہی نے اسمبلی ٹوٹنے کا دکھ فواد چوہدری پر نکال دیا

پرویز الٰہی نے دعوی کیا کہ اگر ہمیں ایک سال اور کام کرنے کا موقع مل جاتا تو پنجاب میں نون لیگ والوں کے کپڑے تک نہ ملتے ،مگر عمران خان کے قریب جو چار پانچ لوگ تھے انہوں نے خود ہی پارٹی کی جڑیں کاٹ دیں۔ پرویز الہی نے معنی خیز انداز میں مسکراتے ہوئے کہا کہ ان میں سے ایک تو پکڑا گیا ہے۔ اگر وہ پہلے پکڑا جاتا تو کام ٹھیک رہتا۔
سابق وزیراعلی نے پی ٹی آئی کے لانگ مارچ کا حوالہ دیتے ہوئے کہا کہ جن لوگوں کو 25 مئی کو آزمایا جا چکا تھا انہیں دوبارہ آزمانے کی کیا ضرورت تھی ؟
پنجاب اسمبلی کی تحلیل کے لئے تحریک انصاف کے دباؤ کا ذکر کرتے ہوئے پرویز الہی کا کہنا تھا کہ جن ارکان کو زیادہ فنڈز ملتے تھے وہی ضد کرتے تھے کہ اسمبلی فوری طور پر توڑ دو۔اب ان کے کہنے پر اسمبلی توڑ دی ہے دیکھیں اب کیا حال ہو رہا ہے۔