ڈالر بے قابو ہو کر ملکی تاریخ کی بلند ترین سطح پر پہنچ گیا

حکومتی کنٹرول سے نکلتے ہی امریکی ڈالر بے قابو ہو کر ملکی تاریخ کی بلند ترین سطح 255 روپے پر پہنچ گیا۔جمعرات کو انٹر بینک مارکیٹ میں ڈالر کی قیمت 24 روپے گیارہ پیسے کے ریکارڈ اضافہ کے ساتھ 255 روپے ہوگئی۔
ذرائع کے مطابق ڈالر کی قیمت میں اس ہولناک اضافہ کا سبب ڈالر کے ریٹ پر لگی ایک ایپ ختم کرنا ہے یعنی ڈالر کو مارکیٹ ریٹ پر چھوڑ دینا ہے۔ واضح رہے کہ گزشتہ روز انٹر بینک میں ڈالر 230 روپے 89 پیسے پر بند ہوا تھا اور اب تک کے ریکارڈ کے مطابق انٹر بینک میں ڈالر کی بلند ترین قدر 240 روپے تھی جو اس سال 28 جولائی کو ریکارڈ کی گئی تھی۔ مارکیٹ ذرائع کا کہنا ہے کہ ڈالر فروخت کرنے والے 240 سے 250 روپے تک قیمت مانگ رہے ہیں۔ انھیں بینکوں کے دیے گئے ریٹ قابل قبول نہیں ہیں ۔ جمعرات کو انٹر بینک میں ڈالر کے سودے 235 سے 240 روپے تک ہوئے جبکہ اوپن مارکیٹ میں ڈالر مزید 12 روپے مہنگا ہو کر 255 روپے کا ہوگیا۔