الیکٹرانک پاکستانی پاسپورٹ کی فیس کتنی ہو گی؟ تفصیل سامنے آ گئی

حکومت پاکستان کی جانب سےالیکٹرانک  پاسپورٹ کی فیس  کی تفصیلات کا اعلان کردیا گیا جس کے مطابق5 سالہ میعاد کے 36 صفحات کے عام پاسپورٹ کی فیس 9 ہزار روپے ہوگی، جبکہ اتنے ہی صفحات والے ارجنٹ پاسپورٹ کی فیس 15 ہزار روپے مقرر کی گئی ہے۔

10 سالہ میعاد کے 36 صفحات والے عام ای پاسپورٹ کی فیس 13,500 روپے  مقرر کی گئی ہے جبکہ ارجنٹ پاسپورٹ کی فیس 22,500 روپے ہوگی۔

اسی طرح 72 صفحات کے عام ای پاسپورٹ کی فیس 24,750 روپے ہو گی  جبکہ ارجنٹ پاسپورٹ کی فیس 40,500 روپے مقرر کی گئی ہے۔

واضح رہے کہ ای پاسپورٹ صرف اسلام آباد سے جاری کیے جائیں گے۔