محکمہ جنگلات مری نے لکڑی سمگلنگ کی کوشش ناکام بنا دی

محکمہ جنگلات مری نے لکڑی سمگلنگ کی کوشش ناکام بنا دی۔ گزشتہ رات ٹمبر مافیا ایک سوزوکی پک اپ نمبر آر آئی ٹی 1560 کے ذریعے لارنس کالج بائی پاس روڈ پر چوری شُدہ لکڑی اسمگل کرنے کی کوشش کر رہی تھی کہ ڈویژنل فارسٹ آفیسر مری وجیہ الدین احمد کی ہدایت پر  رینج آفیسر جاوید رحمان عباسی کی سربراہی میں ٹیم نےلکڑی سمگلنگ کی اس کوشش کو ناکام بنا دیا۔

ذرائع کے مطابق گاڑی میں چار ملزمان موجود تھے جن کو پولیس کے حوالے کر دیا گیا اور سمگلنگ میں استعمال ہونے والی گاڑی کو قیمتی لکڑی سمیت ضبط کر لیا گیا۔