رات گئےعمران خان کی گرفتاری کاخدشہ، تحریک انصاف کارکن زمان پارک پہنچ گئے

قبل ازیں عمران خان کی رہائش گاہ کے باہر میڈیا سے گفتگو کرتے ہوئے پی ٹی آئے کے رہنما سابق وزیر مملکت حماد اظہر کا کہنا تھا کہ عمران خان کوگرفتار کرنے کیلئے ماحول بنایا جا رہا تھا،لہٰذا ان کی حفاظت کیلئے کارکن تعینات کیے گئے ہیں۔ انتظامیہ کو یقین دہانی کرانا ہوگی کہ عمران خان زمان پارک میں محفوظ رہیں گے،

انہوں نے دھمکی دی کہ کسی مائی کے لال میں اتنی ہمت نہیں ہے کہ وہ چیئرمین تحریک انصاف عمران کو گرفتار کر سکے۔ واضح رہے کہ رات دو بجے کے بعد تحریک انصاف کے بعض کارکنوں نے سوشل میڈیا کے ذریعے کال دی کہ عمران خان کی گرفتاری کیلئے پولیس زمان پارک آنے والی ہے لہٰذا کارکن فوری طور پر وہاں پہنچیں۔