ایبٹ آباد میں پٹرول کے مصنوعی بحران نے سر اٹھا لیا

پیٹرول کی مصنوعی قلت اور قیمتوں میں من مانےاضافے کے حوالے سے موصولہ شکایات پر اسسٹنٹ کمشنر ایبٹ آباد ثقلین سلیم نےرات گئے مختلف پیٹرول پمپس کا معائنہ کیا۔
انہوں نے پیٹرول، ڈیزل کا سٹاک چیک کیا، قیمتوں پر عملدرآمد اور عام شہریوں کو پیٹرول کی فراہمی یقینی بنانے کی ہدایت کی۔ مقامی لوگوں نے تصدیق کی ہے کہ انتظامیہ کے چھاپوں کے بعد صورت حال میں بہتری آنے لگی ہے۔

دوسری طرف گلیات سرکل بکوٹ اور ملحقہ علاقوں میں شدید برف باری کے نتیجے میں رابطہ سڑکیں بند ہو گئیں۔ بکوٹ نتھیا گلی روڈ سمیت متعدد دیہاتوں کے عوام کو سفری مشکلات کا سامناہے۔ دوسری طرف پیر کے روز بجلی کے طویل بریک ڈاون نے لوگوں کی مشکلات میں مزید اضافہ کر دیا۔