بچپن میں یتیم ہو جانےوالے محسن نقوی پنجاب کےوزیر اعلی کیسے بنے؟

جہاں ایک طرف محسن نقوی کے تقرر کا خیر مقدم کیا جا رہا ہے وہاں بہت سارے لوگ اس بنیاد پر انہیں تنقید کا نشانہ بنا رہے ہیں کہ عمران خان حکومت کے خلاف تحریک عدم اعتماد کی سرگرمیوں کے دوران انہیں ٹیم کے اجلاسوں میں دیکھا گیا جبکہ اس وقت کی اپوزیشن جماعتوں کے اتحاد کا ایک اجلاس منعقد ہوا تھا۔ ناقدین کا کہنا ہے کہ کسی ایک طرف جھکاؤ رکھنے والے شخص کو نگراں وزیر اعلی نہیں بنایا جانا چاہیے۔ تاہم جہاں تک ذاتی زندگی کا تعلق ہے محسن رضا نقوی کی کامیابی کی طویل داستان ہے جس میں ان کی مسلسل محنت اور لگن کا عمل دخل زیادہ ہے۔

سرکاری اسکول سے تعلیم کا آغاز کرنے والے محسن نقوی نےابتدائی تعلیم کریسنٹ ماڈل ہائی اسکول سے حاصل کی ،گورنمنٹ کالج لاہور سے گریجویشن کی اور پھر اعلیٰ تعلیم کے لیے امریکہ چلے گئے جہاں اوہائیو یونیورسٹی سے صحافت میں ڈگری حاصل کی۔ محسن نقوی پاکستان واپس لوٹے تو امریکا  ہی کےایک اہم نشریاتی ادارے سی این این سے منسلک ہوگئے اور جلد ہی اس کےریجنل ہیڈ بنا دیے گئے۔

انہیں سی این این کی تاریخ میںکم عمر ترین ریجنل بیورو چیف بننے کا اعزاز حاصل ہے۔ انہوں نے افغان جنگ کے دوران بھی پر خطررپورٹنگ میںاپنی صلاحیت ثابت کی۔

محسن نقوی نے صرف 30 سال کی عمر میں سٹی نیوز نیٹ ورک کی بنیاد رکھی جس کے یکے بعد دیگرے 6 نیوز چینلز اور ایک اخبار کو کامیابی سے چلا کر دکھایا۔

محسن نقوی کے تقرر پر تحریک انصاف کا ردعمل

پی ٹی آئی نے الیکشن کمیشن کی جانب سے محسن نقوی کو نگران وزیراعلیٰ پنجاب مقرر کرنے کے فیصلے کو مسترد کردیا ہے، فواد چوہدری کا ایک ویڈیو بیان میں  کہنا تھاکہ  الیکشن کمیشن نے کبھی مایوس نہیں کیا، اس نظام کے خلاف سڑکوں پر جدوجہد کے علاوہ کوئی راستہ نہیں۔انہوں نے ہدایت کی کہ کارکنان تیاری کریں عمران خان کی قیادت میں بڑی مہم چلائیں گے۔

پرویز الٰہی کیا کہتے ہیں؟

سبکدوش ہونے والےوزیراعلیٰ پنجاب چوہدری پرویز الٰہی نے محسن نقوی کو نگران وزیر اعلیٰ پنجاب مقرر کرنے کی مخالفت کردی۔ایک  بیان میں پرویز الٰہی کا کہنا تھاکہ الیکشن کمیشن کے اس فیصلے کے خلاف ہم سپریم کورٹ جارہے ہیں۔

انہوں نے کہا کہ 35 لاکھ روپے کی پلی بارگین کرنے والے سے انصاف کی توقع کیسےکی جاسکتی ہے؟ میرا قریب ترین رشتے دار کیسے نگران وزیراعلیٰ بن سکتاہے؟ الیکشن کمیشن کا متنازع فیصلہ ہر اصول اور ضابطے کے خلاف ہے۔