الیکشن کمیشن نے پنجاب ۔کے پی میں بھرتیوں پرپابندی لگادی

الیکشن کمیشن کے جاری کردہ نوٹیفکیشن میں کہا گیا ہے کہ نگراں حکومتیں الیکشن کے انعقاد کے لیے ادارےکی معاونت کریں۔ نوٹی فیکیشن کے مطابق الیکشن کمیشن کی منظوری کے بغیر کسی بھی سرکاری ملازم کا تقرریاتبادلہ نہیں ہو سکے گا۔ علاوہ ازیں ان دونوں صوبوں میں کسی بھی ترقیاتی منصوبے کا اعلان نہیں کیا جائے گا۔ الیکشن کمیشن کے احکامات کے مطابق پنجاب خیبرپختونخوا اور کینٹ بورڈ کے تمام ترقیاتی فنڈز الیکشن کے نتائج کے اعلان تک منجمد رہیں گے۔
الیکشن کمیشن نے یہ بھی ہدایت جاری کی ہے سیاسی بنیادوں پر بھرتی شدہ تمام اداروں کے سربراہان کو فوری طور پر برطرف کیا جائے۔ اس کے علاوہ تمام سابق وزرا اور وزرائے اعلی مشیروں اور معاونین کی سرکاری رہائش گاہ پر خالی کروا کر ان کی گاڑیاں بھی واپس لی جائیں ۔
الیکشن کمیشن نے نگراں وزرائے اعلیٰ اور ان کی کابینہ کے ارکان کو کہا ہے کہ وہ تین دن کے اندر اپنے اثاثوں کی تفصیلات جمع کرائیں۔