عمران خان کی مقبولیت میں اضافہ،نواز لیگ نے پنجاب پر گرفت کھو دی۔ انصار عباسی

واضح رہے کہ پنجاب اسمبلی میں گزشتہ کئی روز سے جاری سرگرمیوں میں مرکزی کردار مذکورہ دونوں شخصیات ادا کر رہی تھیں جن کا دعوی تھا کہ ق لیگ اور تحریک انصاف کے بارہ سے پندرہ ارکان  ان کے ساتھ رابطے میں ہیں اور وہ پرویز الہی کو اعتماد کا ووٹ نہیں دیں گے۔ وفاقی وزیرداخلہ رانا ثناءاللہ اور وزیراعظم کے معاون خصوصی عطا تارڑ دونوں نے لاہور میں کیمپ لگا لیا تھا۔ ان میں سے اول الذکر یعنی رانا ثناءاللہ کا کہنا تھا کہ وہ پنجاب حکومت کو ساتھ لے کر ہی واپس اسلام آباد جائیں گے جبکہ عطا تارڑ میں نے چیلنج دیا تھا کہ اگر پرویز الہی اعتماد کے ووٹ کے لیے ایک سو چھیاسی ارکان پورے کر لیتے ہیں تو وہ سیاست ہمیشہ کے لئے چھوڑ دیں گےتاہم وقت آنے پر نہ صرف پرویز الہی نے اعتماد کا ووٹ لے لیا بلکہ اگلے روز عمران خان کی ہدایت پر پنجاب اسمبلی کی تحلیل کے لئے گورنر کو ایڈوائس بھی بھیج دی ۔ اس طرح وفاق میں حکومتی جماعت مسلم لیگ نون کی قیادت کے سارے دعوے دھرے کے دھرے رہ گئے۔

سینئر صحافی انصار عباسی کے مطابق اس صورتحال پر لیگی قائد میاں نوازشریف سخت برہم ہیں اور انہوں نے پنجاب میں سیاسی معاملات کی نگرانی کرنے والوں سے جواب طلب کرلیا ہے تاہم انصار عباسی کے مطابق بنیادی طور پر یہ لیگی قیادت کی ناقص حکمت عملی ہے جس کی وجہ سے پنجاب کے ہاتھوں سے نکلتا جا رہا ہے اور عمران خان کی مقبولیت میں مسلسل اضافہ ہوتا جا رہا ہے۔ اس سے پہلےضمنی الیکشن میں تحریک انصاف نے حکومت اور اتحادی جماعتوں کو شکست دی اور اب پنجاب میں نواز لیگ کو یہ صورتحال دیکھنی پڑرہی ہے۔

اس کا ایک سبب یہ بھی ہے کہ مسلم لیگ کی قیادت نے پنجاب کے معاملات جونیئر اور ناتجربہ کار لوگوں کے ہاتھ میں دے دیے ہیں خود مریم نواز شریف کئی ماہ سے لندن میں ہیں جبکہ نواز شریف دو سال سے وہیں مقیم ہیں۔ چند ماہ تک وزارت اعلیٰ کے منصب پر فائز رہنے والے حمزہ شہباز بھی جب سے لندن گئے ہیں واپس پلٹ کر نہیں آئے۔انصار عباسی کا کہنا ہے کہ عمران خان کسی بھی صورت انتخابی میدان میں شکست کھاتے ہوئے نظر نہیں آتے۔ اگر کسی بھی خوف اور خطرے کے پیش نظر مسلم لیگ نون اور پی ڈی ایم نے تحریک عدم اعتماد کے ذریعے عمران خان کی حکومت ختم کردی اور مشکل حالات میں خود کو پھنسا لیا تو بہتر یہی ہے کہ ملک کو الیکشن کی طرف جانے دیں ،عمران خان کو ایک بار پھر اقتدار میں آنے دیں۔غالب امکان یہی ہے کہ وہ پہلے کی طرح پالیسیاں جاری رکھیں گے اور ڈیلیور نہیں کر سکیں گے اور اس طرح مسلم لیگ نون اگلی مدت کے لئے ایک بار پھر قسمت آزمائی کر سکتی ہے۔