بلدیاتی الیکشن 15 جنوری کو ہی ہونگے: الیکشن کمیشن

اسلام آباد (کوہسار نیوز)سندھ حکومت کی بلدیاتی الیکشن ملتوی کرنے کی درخواست الیکشن کمیشن نے مسترد کر دی ہے۔
تفصیلات کے مطابق الیکشن کمیشن کا کہنا ہے کہ بلدیاتی الیکشن کراچی اور حیدر آباد میں 15جنوری کو ہی ہو نگے۔
پنجا ب اسمبلی کی تحلیل کے بعدکی صورتحال پر چیف الیکشن کمشنر کی سربراہی میں الیکشن میں ہونے والے ہنگامی اجلاس پر غور کیا گیا ،
اجلاس میں چیف الیکشن کمشنر، ممبران، سپیشل سیکرٹری، ڈی جی لاء، ڈی جی لوکل گورنمنٹ الیکشن سمیت دیگر اعلیٰ افسران نے شرکت کی۔
اجلاس کے دوران سندھ میں 15 جنوری کو بلدیاتی انتخابات ملتوی کرنے سے متعلق الیکشن کمیشن کے ہنگامی اجلاس میں سندھ حکومت کے اقدام پر برہمی کا اظہار کیا گیا۔