گلیات میں جنگلی چیتوں کا راج برقرار،بکرےکو بچاتےمعمر شخص زخمی

واضح رہے کہ ایک ہفتہ قبل اسی گاؤں کے ایک شخص کے تین قیمتی بکرے بھی جنگلی چیتے کا شکار بن چکے ہے۔ پچھلے تین ماہ کے دوران اخروٹہ کے غریب لوگ سولہ بکرے / بکریوں سے ہاتھ دھو بیٹھے۔ مقامی لوگوں کا کہنا ہے کہ محکمہ وائلڈ لائف کو تحریری رپورٹ کے باوجود ابھی تک کوئی کاروائی  عمل میں نہیں لائی جا سکی۔

مقامی لوگوں کے مطابق حالیہ واقعے میں ضعیف العمر شخص اپنے بکرے کو چیتے سے بچانے کی کوشش میں تھا کہ چیتے نے اس پر حملہ کر کے معمر شخص کو معمولی زخمی کر دیا۔جبکہ اس کے قیمتی بکرے کو مار دیا۔۔ایک ہفتہ قبل بھی محکمہ وائلڈ لائف کو اس بارے میں آگاہ کیا گیا تھا کہ جنگلی چیتوں کا انسانی آبادیوں میں داخل ہونا خطرے سے خالی نہیں ہے اور کسی بھی وقت قیمتی انسانی جانوں کے ضیاع کا خطرہ موجود ہے۔
مقامی لوگوں میں  اس حوالے سے شدید غم و غصہ اور اشتعال پایا جاتا ہے اور ان کا مطالبہ ہے کہ محکمہ وائلڈ لائف کے اہلکار ہوش کے ناخن لیں, اس جگہ پر پنجرے نصب کر کے چیتے کو پکڑنے کے ساتھ قیمتی جانوں کا تحفظ یقینی بنایا جائے اور لوگوں کے مال مویشی کے نقصانات کا ازالہ کیا جائے۔