ماجد ستی کیس میں ملوث فرخ کھوکھربیماری کےبہانے اسپتال منتقل

ماجد ستی قتل کیس میں ملوث ملزم فرخ کھوکھر بیماری کے بہانے اسپتال منتقل ہو گیا۔ واضح رہے کہ ملزم فرخ کھوکھر کو ضمانت خارج ہونے پر لاہور ہائیکورٹ راولپنڈی بنچ کی عدالت  سے دو روز قبل گرفتار کر لیا گیا تھا۔ ملزم فرخ کھوکھر گزشتہ سال  اگست میں مری روڈ کے قریب قتل ہونے والی معروف کاروباری شخصیت ماجد ستی کے قتل کے مقدمے میں پولیس کو مطلوب تھا۔  مقدمے میں قبل ازیں چار  دیگرملزمان امیرحمزہ، حیدر علی ،کاشف اور  محمد وسیم کو گرفتار کیا جا چکا ہے۔
فر خ کھوکھر کی ضمانت خارج ہونے کے بعد ماجد ستی شہید ایکشن کمیٹی کے ارکان  سابق ایم این اے غلام مرتضی ستی،سربراہ ایکشن کمیٹی آصف شفیق ستی، عمر فاروق ستی، راجہ ثنااللہ ستی، سجاد الحسن عباسی ،راجہ احسان ستی، حاجی اظہر ستی، طاہر مقصود ستی ،غفران آزاد ستی، راجہ راشد وحید ستی ،راجہ بابر ستی، حق نواز ستی ،ظفر الطاف ستی ،سلمان ستی، عاطف ستی، عدنان زیب ستی اور دیگر نے اطمینان کا اظہار کیا اور امید ظاہر کی کہ ماجد ستی شہید کے خاندان کو انصاف ملے گا۔