ایم کیو ایم کی دھمکی پر سندھ حکومت کا آدھی رات کو یو ٹرن،بلدیاتی الیکشن ملتوی

سندھ کے صوبائی وزیر اطلاعات  شرجیل میمننے رات گئے میڈیا سے گفتگو کرتے ہوئے کہا ہے کہ سندھ حکومت نے کراچی کی حلقہ بندیوں سے متعلق نوٹی فیکیشن واپس لے لیا ہے، اب کراچی، حیدرآباد اور دادو میں 15 تاریخ کو بلدیاتی انتخابات نہیں ہوں گے۔

شرجیل میمن کا کہنا تھا کہ وزیراعلیٰ سندھ کی زیر صدارت اجلاس میں اہم فیصلے ہوئے ہیں،  اجلاس میں امن و امان کی صورتحال اور بلدیاتی انتخابات سے متعلق تفصیلی بات چیت ہوئی۔ ایم کیوایم کو حلقہ بندیوں پر تحفظات ہیں، ہم چاہتے ہیں کہ اتحادیوں کے مطالبات کو سنجیدہ لیا جائے۔ اسی لئے فیصلہ کیا گیا ہے کہ کراچی ،حیدرآباد اور دادو میں 15 تاریخ کو بلدیاتی انتخابات نہیں ہو رہے، البتہ سندھ کے باقی تمام اضلاع میں الیکشن معمول کے مطابق ہوں گے۔

ایک سوال پر صوبائی وزیر نے کہا کہ حکومت سندھ دادو میں سیلابی پانی کے باعث الیکشن ملتوی کروانے کے لیے الیکشن کمیشن کو خط لکھ چکی ہے۔