پرویز الہی نے اسمبلی تحلیل کرنے کی سمری پر دستخط کب کیے ؟

عمران خان کے ساتھ ان کی ملاقات کے بعد رسمی طور پر اس کا اعلان فواد چوہدری نے کیا ۔ واضح رہے کہ جمعرات کی شام چیئرمین تحریک انصاف عمران خان کی زیر صدارت ایک اہم اجلاس منعقد ہوا جس میں تحریک انصاف کی مرکزی قیادت نے اسمبلی تحلیل کرنے کی رائے دی۔ ذرائع کے مطابق بعض شرکا کا خیال تھا کہ اسمبلی توڑنے میں کچھ مزید وقت لیا جائے تاہم عمران خان نے اس رائے سے اتفاق نہیں کیا۔
اجلاس کے فورا بعد وزیراعلی پنجاب کی عمران خان سے ملاقات ہوئی جس میں حتمی فیصلے کے بعد فواد چودھری نے اس حوالے سے اعلان کیا۔ ان کا کہنا تھا کہ اگر گورنر پنجاب اسمبلی تحلیل نہیں کرتے تو اڑتالیس گھنٹے میں آئین کے مطابق اسمبلی خود بخود تحلیل ہو جائے گی۔