کالجز کی تاریخ میں گریڈ 21 میں ترقی پانے والے پہلے پروفیسر

اس موقع پر کامرس ٹیچرز ایسوسی ایشن پشاور ڈویژن کے صدر پروفسیر ندیم انجم انصاری ،سینئر نائب صدر ڈاکٹر وارث خان ،مانسہرہ ،ہری پور ،بالاکوٹ،پشاور کے پرنسپلز اور پروفیسرز  بھی موجود تھے ۔صدر خیبر پختونخوا کامرس ٹیچرز ایسوسی ایشن پروفسیر وحید خٹک نے خطاب کرتے ہوئے کہا کہ پانچ درجاتی فارمولہ کے لئے سخت ترین جدوجہد کی ہے۔گریڈ 21 کی منظوری 12ستمبر 2022کو دی گئی جو ایسوسی ایشن کی بڑی کامیابی ہے۔انہوں نے کہا کہ پانچ درجاتی فارمولا میں بی ایس ،ایم فل ،ایم ایس اور پی ایچ ڈی الاؤنسز کے لئے کوششیں جا ری ہیں۔ انہوں نے ڈائریکٹوریٹ پر  زور دیا کہ وہ ضم اضلاع میں بھی اسی فارمولا کے تحت اقدامات اٹھائے۔انہوں نے کہا کہ پاکستان میں مہنگائی کی شرح میں تشویش ناک حد تک اضافہ ہوا ہے جس میں پ 70 لاکھ سرکاری ملازمین بھی سخت متاثر ہوئے ہیں۔انہوں نے کہا کہ گریڈ 20میں DRA الاؤنسز کی کٹوتی کو ختم کرنے کے لئے افسران سے مل کرکے حل نکالا جا ئے گا ۔

کالجز کی تاریخ میں گریڈ 21میں پہلی ترقی پانے والے پرنسپل گورنمنٹ کالج آف مینجمنٹ سائنسز ایبٹ آباد پروفسیر منظور الحسن نے اپنے خطاب میں کہا کہ ان کے لئے اعزاز ہے کے اگلے گریڈ میں ترقی ملی اور وہ اس میں سب سے پہلے ہیں۔انہوں نے اس بات کا یقین دلایا کہ وہ اپنی ذمہ داریوں کو بطریق احسن سر انجام دیں گے۔اور طلبہ واساتذہ کی ترقی وکامیابی اور بہترین مستقبل کے لیے اپنی صلاحیتوں کو بروئے کار لائیں گے
قبل ازیں تقریب کے مہمان خصوصی ڈائریکٹر جنرل کامرس ایجوکیشن اینڈ مینجمنٹ سائنسز غضنفر علی نے کامرس کالج ایسوسی ایشن کے مطالبات  پر عملدرآمد کی یقین دہانی کراتے ہوئے گریڈ 21 میں پہلی ترقی ملنے پر پروفسیر منظور الحسن کو مبارکباد پیش کی ۔تقریب میں ایسوسی ایشن کی جانب سے مہمان خصوصی اور دیگر عہدیداران کو گلدستے بھی پیش کئے گئے۔