زرمبادلہ کے ذخائر 4 نہیں 10 ارب ڈالر ہیں۔ اسحاق ڈار کا دعوٰی

وفاقی وزیر خزانہ اسحاق ڈارنے دعوٰی کیا ہے کہ ملکی زرمبادلہ کے ذخائر 4 نہیں 10 ارب ڈالر ہیں۔ واضح رہے کہ قبل ازیں یہ خبر سامنے آئی تھی کہ متحدہ عرب امارات کے بینکوں کا قرضہ اتارنے کے بعد پاکستان کے زرمبادلہ ذخائر محض 4.5ارب ڈالر رہ گئے ہیں جو کہ گزشتہ 8 سال 9 ماہ کے عرصے کے دوران کم ترین سطح ہے۔
ذرائع کے مطابق مطابق ایمرٹس بینک کو 60 کروڑ ڈالر اور دبئی اسلامک بینک کو 42 کروڑ ڈالر کی ادائیگیاں کی گئی ہیں،
تاہم وزیر خزانہ اسحاق ڈار نے  اس بات کی تردید کرتے ہوئے کہا ہے کہ ہم  واجب الادا قرض وقت پر واپس کر رہے ہیں، پاکستان کے زرمبادلہ ذخائر بہت جلد دوبارہ مستحکم ہوں گے۔