پاکستان،بھارت،تاجکستان اورافغانستان میں زلزلے کے جھٹکے

5 جنوری, 2023 3:38 شام 15 مناظر

اسلام آباد(کوہسار نیوز) اسلام آباد، پشاور، مری سمیت ملک کے مختلف شہروں میں زلزے کے جھٹکے محسوس کیے گئے ہیں۔
میڈیا نیوز کے مطابق اسلام آباد،پشاور، مری ،ہری پور، پنڈ دادن خان ،گلگت بلتستان ،باجوڑ،وادی لیپہ فیصل آباد کے رہائشیوں نے زلزلے کے جھٹکے محسوس کئے ۔
لوگ کلمہ طیبہ کا ورد کرتے ہوئے گھروں سے باہر آ گئے۔
زلزلے کی شدت 5.8 ریکارڈ کی گئی ہے۔

زلزلے کا مرکز کوہ ہندوکش افغانستان تھا اور اس کی گہرائی 173کلو میٹر تھی۔

پاکستان کے علاوہ بھارت ، تاجکستان اور افغانستان میں بھی زلزلے کے جھٹکے محسوس کیے گئے۔
آخری اطلاعات تک زلزلے کے نتیجے میں کوئی مالی یا جانی نقصان نہیں ہوا تھا۔

تاہم اس حوالے سے تفصیلات آنا باقی ہیں۔

پاکستان،بھارت،تاجکستان اورافغانستان میں زلزلے کے جھٹکے

Related

متعلقہ خبریں