حکومت کیخلاف وائٹ پیپر میں تحریک انصاف نے کیا کہا؟؟

وائٹ پیپر میں پی ٹی آئی کا کہنا ہے کہ حکومت کا چھ ماہ کا خسارہ ہدف سے دگنا ہو چکا  ہے۔ٹیکس وصولی میں بھی تقریباًساڑھے 9فیصد منفی گروتھ ہے،وائٹ پیپر جاری کرنے کے موقع پر سیمینار سے ویڈیولنک کے ذریعے خطاب کرتے ہوئے تحریک انصاف کے چیئرمین عمران خان نے کہا  کہ  اسحاق ڈار کتنے پانی میں ہیں، دنیا کو پتا چل گیا جبکہ وزیر اعظم شہباز شریف بھی ایکسپوز ہو گئے۔ انہوں نے جنرل باجوہ ہر  ایک بار پھر تنقید کرتے ہوئے کہا کہ وہ ہرفن مولا بن گئے تھے کہ مجھے سب کچھ آتا ہے۔ جبکہ ان کو یہی نہیں پتا کہ خوشحالی اور قانون کی حکمرانی  آپس میں جڑے ہوئے ہیں۔ انہوں نے الزام لگایا کہ باجوہ  ہمیں لیکچر دیے جارہے تھے "ان ” کو این آر او دے دو اور معیشت پر توجہ دو۔ ہمارے خلاف میڈیا کا پروپیگنڈا اتنا تھا کہ جب کابینہ کے اجلاس میں شرح نمو کے اعداد و شمار رکھے گئے تو کابینہ اراکین نے ماننے سے انکار کر دیا۔ حکومت کو پتہ ہے آئی ایم ایف کے سوا کوئی چارہ نہیں۔