عمران خان کو براہ راست گولیاں نہیں لگیں۔ فارنزک رپورٹ میں انکشاف

واضح رہے کہ سابق وزیر اعظم عمران خان کے ٹرک پر فائر ہونے والی 10 گولیوں کے خول فارنزک سائنس لیبارٹری کوبھجوائے گئے تھے۔ علاوہ ازیں جناح اسپتال کے میڈیکل لیگل کی جانب سے رپورٹ بھی لیبارٹری کو ارسال کی گئی تھی۔

ذرائع کے مطابق فارنزک رپورٹمیں بتایا گیا ہے کہ ریلی کے دوران عمران خان جس ٹرک پر سوار تھے، اس کے بائیں جانب سے فائر کیے گئے۔ فارنزک سائنس لیبارٹری کو  کل 33 شواہد  بھجوائے گئے تھےجو ابتدائی تفتیش کے نتیجے میں سی سی پی او آفس لاہور ، ڈی پی او وزیر آباد اور جے آئی ٹی کے ارکان کی جانب سے بھجوائے گئے۔

دوسری طرف  عمران خان پر وزیرآباد میں ہونے والےحملے کے دوران جاں بحق  والے معظم گوندل کی پوسٹ مارٹم رپورٹ بھی منظر عام پر آگئی ہے، جس میں بتایا گیا ہے کہ معظم کو  سرکے پیچھے ایک گولی لگی، جو ماتھے سے باہر نکلی۔ رہورٹ کے مطابق معظم پر گولی بلندی سے فائر ہوئی، جو اس کی موت کا سبب بنی۔