سیاحوں کی بڑی تعداد سال نو کی خوشیاں منانے مری پہنچ گئی

ملک بھر سے سیاحوں کی بڑی تعداد نے سال نو کا استقبال کرنے اور خوشیاں منانے مری کا رخ کر لیا۔

ان میں  سیاح فیملیوں کے ساتھ منچلوں کی بڑی تعداد موجود تھی جبکہ ضلعی انتظامیہ کی جانب سے سیکورٹی کے فول پروف انتظامات کیے گئے تھے۔

ڈپٹی کمیشنر مری احمد حسن رانجھا نے مری کے مختلف حصوں اور سڑکوں کا دورہ بھی کیا اور سیاحوں کیلئے انتظامات کا جائزہ لینے کے علاوہ سہولت مراکز کا بھی درہ کیا  اس موقع پر ان کا کہنا تھا کہ  تمام محکموں نے غیرمعمولی انتظامات کئے ہیں ۔ سیاحوں کو تمام ضروری سہولیات کی فراہمی یقینی بنائی گئی ہے تاکہ  فیملیز خوشگوار اور سازگار حالات میں مری کی برف باری سے بھی لطف اندوز ہو سکیں۔