عمران خان 11 جنوری سے پہلے پنجاب میں اعتماد کا ووٹ لینے کیلئے پرعزم

لاہور میں سینیئر صحافیوں سے گفتگو کرتے ہوئے ان  کا کہنا تھاکہ اسٹیبلشمنٹ سے کوئی رابطہ نہیں۔

لیکن ایسا لگتا ہے اپریل میں الیکشن ہونے جا رہے ہیں، جب دو اسمبلیاں ٹوٹیں گی تو انتخابات تو  کرانے پڑیں گے، ان کا مزید کہنا تھا کہ  اسمبلیاں تحلیل ہونے کے بعد الیکشن تاخیر کا شکار ہوئے تو ہمیں پھر بھی فرق نہیں پڑتا۔

عمران خان نے کہا کہ ہم نے فوری اسمبلیاں اس لیے نہیں توڑیں کہ اتحادیوں کو بھی  اس کیلئے راضی کرنا تھا اب ہم 11 جنوری سے پہلے پنجاب اسمبلی سے اعتماد کا ووٹ لے لیں گے۔

سابق وزیراعظم کا کہنا تھاکہ ‏بدقسمتی سے پاکستان میں قانون کی حکمرانی کوقدم جمانےکی اجازت نہیں دی گئی، ملک پر اشرافیہ کی کڑی گرفت نے مافیاز اور اداروں کو قانون سےیوں بالاتر بنایا گویا یہ ان کا استحقاق تھا۔