قومی ادارہ صحت نے کوروناکی نئی قسم پھیلنے کی تردید کردی

این آئی ایچ کے جاری کردہ بیان میں کہا گیا ہے کہ  کورونا کے نئی قسم سے متعلق غیرمصدقہ خبریں گردش کر رہی  ہیں،فی الحال اس قسم کا کوئی خطرہ  موجود نہیں ہے۔

بیان میں کہا گیا ہے کہ قومی ادارہ صحت ہے  کورونا سے متعلق صورتحال پر کڑی نظررکھی ہوئی ہے۔

واضح رہے کہ سوشل میڈیا پر یہ خبریں گردش کر رہی ہیں کہ چین میں پھیلنے والے کورونا کے نئے ویرینٹ کے پاکستان میں بھی پھیلنے  کا خطرہ پیدا ہوگیا ہے۔ واضح رہے کہ چین میں مبینہ طور پر کورونا سے یومیہ کروڑوں لوگ متاثر ہو رہے ہیں۔

دوسری طرف نیشنل کمانڈ اینڈ آپریشن سینٹر کے حکام کا کہنا ہے کہ چین میں لاک ڈاؤن کھلنے اور سفری آزادی  سے پاکستان میں کورونا کا نیا ویرینٹ آنے کا خطرہ ہےتاہم پاکستان  اس حوالے سے کسی بھی ممکنہ صورت حال پر نظر رکھے ہوئے ہے اور کورونا کے کسی بھی نئے ویرینٹ کو کنٹرول کرنے کے لیے مکمل طور پر تیار ہے۔