پی آئی اے کے فضائی بیڑے میں مزید ایک ایئر بس طیارہ شامل ہوگیا ۔قومی ایئرلائن کے ترجمان کے مطابق پی آئی اے کےفضائی بیڑے میں مزید ایک ایئر بس 320 طیارے کو شامل کرلیا گیا ہے ۔
ترجمان کا کہنا ہے کہ رواں سال پی آئی اے نے 4 عدد A320 طیارے حاصل کئے اور اس سلسلے کا چوتھا طیارہ بھی ابوظہبی سے اسلام آباد پہنچ گیا ہے ۔ ترجمان نے بتایا کہ بہتر كبین کا حامل جدید ساختہ طیارہ پی آئی اے کے بیڑے میں شامل ہوکر مسافروں کو بہتر سفر ی سہولیات فراہم کرے گا۔اس جہاز کی شمولیت سےپی آئی اے کے بیڑے میں A320 ساختہ طیاروں کی تعداد 14 ہو گئی ہے ۔
