سرکاری ملازم کو عوام کا حقیقی خادم ہونا چاہیے۔ڈی ای اوایبٹ آباد

خصوصی گفتگو کرتے ہوئےڈسٹرکٹ ایجوکیشن آفیسر ملک تنویر کا کہنا تھا کہ ایبٹ آباد تعیلمی لحاظ سے پاکستان میں نمایاں مقام رکھتا ھے اسی حوالے سے ھماری ذمہ داری ھے کہ اللہ پاک نے جو مقام عزت اور سیٹ عطاء کی تو بدلے میں ھم اپنے ضلع ایبٹ آباد کی کیا خدمت کرسکتے ہیں۔ ہمیں گھر کے نزدیک سہولیات ملیں تو اللہ کے شکر کے ساتھ عوام کو بھی اسکا فائدہ پہنچے۔ ڈی ای او ملک تنویر اعوان نے کہا کہ ڈبل شفٹ پروگرام کے حوالے سے میں نے پہلا تجربہ مانسہرہ ضلع میں کیا تھا اور اب ایبٹ آباد میں شروع کیا جسکے بہترین رزلٹ سامنے آنے لگے انھوں نے بانڈہ غزن کے سکول کی مثال دی کہ کچرہ چننے والے اور کم وسائل والے بچوں کی کلاس چند دنوں میں نمایاں ہوکر سامنے آگئ جس پر دلی خوشی ہوئی ۔ ملک تنویر اعوان نے کہا کہ میرے تمام استاتذہ کرام قابل احترام ہیں ان کو اپنے فرائض ایمانداری سے انجام دینے ہوں گے۔ دوران ڈیوٹی فرائض سے غفلت بھرتنے والوں کے لئے کوئی گنجائش نہیں۔ میری کوشش ھے کہ میرٹ کی بنیاد پر حقدار کو اسکا حق ملے دنیا میں کوئی شاید ہمارا احتساب نہ کرے مگر قبر میں اپنے اعمال کے جوابدہ ھم خود ہوں گے ۔