محمد عامر ذوالفقار خان آئی جی پنجاب تعینات کر دیئے گئے

محمد عامر ذوالفقار خان کا تعلق پولیس سروس آف پاکستان کے 29ویں کامن گروپ سے ہے۔وہ آج کل ڈپٹی ڈی جی اینٹی نارکو ٹکس فورس کے عہدے پر فرائض سر انجام دے رہے تھے۔ محمد عامراس سے قبل آئی جی نیشنل ہائی ویزاینڈ موٹروے پولیس اور  آئی جی اسلام آباد پولیس بھی رہ چکے ہیںاس کے علاوہ وہ ایڈیشنل آئی جی آپریشنز پنجاب بھی تعینات رہ چکے ہیں ۔

محمد عامر ذوالفقار کا شمار پنجاب پولیس کے انتہائی پروفیشنل، ایماندار اور تجربہ کار افسران میں ہوتا ہے۔محمد عامر ذوالفقار نے 1991 میں بطوراے ایس پی پولیس سروس پاکستان جوائن کی۔انہوں نے ڈی آئی جی آپریشنز لاہور، آر پی اوملتان، ڈی آئی جی سی ٹی ڈی پنجاب، ڈی آئی جی آپریشنزسی پی او پنجاب کے عہدوں پر فرائض ادا کئے۔ وسیع تجربے کے حامل  عامر ذوالفقار، سندھ، پنجاب، خیبر پختونخواہ اور وفاقی حکومت میں بھی فرائص سر انجام دے چکے ہیں ۔